რიყის პარკში მიმდინარე საკონცერტო დარბაზისა და მუსიკალური თეატრის შენობების ფორმა ეწინააღმდეგება და ამახინჯებს ძველი თბილისის არქიტექტურულ იერსახეს, რომელსაც ადგილობრივ პროფესიონალებთან ერთად საერთაშორისო ექსპერტებიც ადასტურებენ. სწორედ ამიტომ, ამ და სხვა შენობების გამო თბილისი ვერ მოხვდა იუნესკოს დაცული ქალაქების სიაში.
ზაზა გაბუნია: “ქალაქის მერს, ბატონ უგულავას სჩვევია ამა თუ იმ პროექტის მოსახლეობის ხელმოწერების საშუალებით პრაქტიკაში გადმოტანა, დამკვიდრება, განხორციელება და ჩვენ ფრაქცია “ქრისტიან-დემოკრატები” ვაპირებთ ამავე გზით ანუ მოსახლეობის ხელმოწერების შეგროვების მეშვეობით ვაჩვენოთ მას რომ თბილისელების დიდ ნაწილს არ მოსწონს და ეწინააღმდგება აღნიშნული შენობა-ნაგებობების ქალაქისთვის უმნიშვნელოვანეს ნაწილში განთავსებას.”
მეტროსადგურების “რუსთაველისა” და “ავლაბრის” წინ დაიდგმება მაგიდები სადაც მოქალაქეებს საშუალება ექნებათ ხელმოწერით დააფიქსირონ დააფიქსირონ საკუთარი პოზიცია რიყის ტერიტორიაზე მიმდინარე მშენებლობებთან დაკავშირებით. ხელმოწერების შეგროვება იწარმოებს სოციალური ქსელების საშუალებითაც.
ზაზა გაბუნიას ბლოგი 
კომენტარის დატოვება