ზაზა გაბუნია კონტროლის პალატას უნდობლობას უცხადებს და თბილისის ბიუჯეტის საფინანსო შემოწმებას მოწვეული აუდიტორის მიერ ითხოვს

თბილისის საკრებულოს ფრაქცია “ქრისტიან-დემოკრატების” თავმჯდომარე ზაზა გაბუნია საკრებულოში გამართულ პრეს-კონფერენციაზე აუდიტის სამსახურში მომხდარ საკადრო ცვლილებას შეეხო, რომლის მიხედვითაც ადგილობრივი თვითმმართველი ერთეულების ბიუჯეტების აუდიტის დეპარტამენტის უფროსად ნაციონალური მოძრაობიდან წინა მოწვევის პარლამენტის წევრი ბეჟან ბუცხრიკიძე დაინიშნა.

ზაზა გაბუნიას თქმით, ეს გადაწყვეტილება მოწმობს იმას რომ “ნაციონალური მოძრაობა” მის ხელთ ჯერ კიდევ არსებული შესაძლებლობების გამოყენებას შეეცდება საიმისოდ, რომ ადგილობრივი თვითმმართველი ერთეულების საბიუჯეტო საქმიანობასთან დაკავშირებით, რომლის მიმართაც ბევრი შეკითხვაა, მისთვის პოლიტიკურად სასურველი სურათი შექმნას.

ზაზა გაბუნია: “მე როგორც ფრაქციის თავმჯდომარე, ჩემს ფრაქციასთან ერთად უნდობლობას ვუცხადებ აუდიტის სამსახურის საქმიანობას. ამიტომ, თბილისის ბიუჯეტთან დაკავშირებით საფინანსო შემოწმება საქართველოს ორგანული კანონის “ადგილობრივი თვითმმართველობების შესახებ” 57-ე მუხლის მე-2 პუნქტის შესაბამისად, მოწვეული აუდიტორის საშუალებით განხორციელდება”.
ზაზა გაბუნია მიიჩნევს, რომ თბილისის ბიუჯეტთან დაკავშირებით უკავშირდება მუხლს სახელწოდებით “სხვა ხარჯები” და ზოგადად საბიუჯეტო სახსრების არამიზნობრივ ხარჯვას.